shahr jin ke nam se zinda tha wo sab uTh gae
ek ishaare se talab karta hai virana mujhe

Aziz Hamid Madni

---

---

KHun hua dil ki pashiman-e-sadaqat hai wafa
KHush hua ji ki chalo aaj tumhaare hue log

Aziz Hamid Madni

---

---

sulag raha hai ufuq bujh rahi hai aatish-e-mahr
rumuz-e-rabt-e-gurezan khule to baat chale

Aziz Hamid Madni

---

---

Tilism-e-KHwab-e-zuleKHa o dam-e-barda-farosh
hazar tarah ke qisse safar mein hote hain

Aziz Hamid Madni

---

---

tilism-e-shewa-e-yaran khula to kuchh na hua
kabhi ye habs-e-dil-o-jaan khule to baat chale

Aziz Hamid Madni

---

---

un ko ai narm hawa KHwab-e-junun se na jaga
raat mai-KHane ki aae hain guzare hue log

Aziz Hamid Madni

---

---

wafa ki raat koi ittifaq thi lekin
pukarte hain musafir ko saeban kya kya

Aziz Hamid Madni

---

---

waqt hi wo KHat-e-fasil hai ki ai ham-nafaso
dur hai mauj-e-bala aur kinare hue log

Aziz Hamid Madni

---

---

wo log jin se teri bazm mein the hangame
gae to kya teri bazm-e-KHayal se bhi gae

Aziz Hamid Madni

---

---