ghar se kis tarah main niklun ki ye maddham sa charagh
main nahin hunga to tanhai mein bujh jaega

Azhar Inayati

---

---

ham-asron mein ye chheD chali aai hai 'azhar'
yan 'zauq' ne 'ghaalib' ko bhi ghaalib nahin samjha

Azhar Inayati

---

---

har ek raat ko mahtab dekhne ke liye
main jagta hun tera KHwab dekhne ke liye

Azhar Inayati

---

---

aaj bhi sham-e-gham! udas na ho
mang kar main charagh lata hun

Azhar Inayati

---

---

is kar-e-agahi ko junun kah rahe hain log
mahfuz kar rahe hain faza mein sadaen hum

Azhar Inayati

---

---

is raste mein jab koi saya na paega
ye aaKHiri daraKHt bahut yaad aaega

Azhar Inayati

---

---

jahan ziden kiya karta tha bachpana mera
kahan se laun khilaunon ki un dukanon ko

Azhar Inayati

---

---

jawan ho gai ek nasl sunte sunte ghazal
hum aur ho gae buDhe ghazal sunate hue

Azhar Inayati

---

---

jawanon mein tasadum kaise rukta
qabile mein koi buDha nahin tha

Azhar Inayati

---

---