ye bhi raha hai kucha-e-jaanan mein apna rang
aahaT hui to chand dariche mein aa gaya

Azhar Inayati

---

---

ye masKHaron ko wazife yunhi nahin milte
rais KHud nahin hanste hansana paDta hai

Azhar Inayati

---

---

hua ujala to hum un ke nam bhul gae
jo bujh gae hain charaghon ki lau baDhate hue

Azhar Inayati

---

---

aaj shahron mein hain jitne KHatre
jangalon mein bhi kahan the pahle

Azhar Inayati

---

---

ab mere baad koi sar bhi nahin hoga tulua
ab kisi samt se patthar bhi nahin aaega

Azhar Inayati

---

---

ajab junun hai ye intiqam ka jazba
shikast kha ke wo pani mein zahr Dal aaya

Azhar Inayati

---

---

apni taswir banaoge to hoga ehsas
kitna dushwar hai KHud ko koi chehra dena

Azhar Inayati

---

---

chaurahon ka to husn baDha shahr ke magar
jo log namwar the wo patthar ke ho gae

Azhar Inayati

---

---

ghazal ka sher to hota hai bas kisi ke liye
magar sitam hai ki sab ko sunana paDta hai

Azhar Inayati

---

---