hua ujala to hum un ke nam bhul gae
jo bujh gae hain charaghon ki lau baDhate hue

Azhar Inayati

---

---

aaj bhi sham-e-gham! udas na ho
mang kar main charagh lata hun

Azhar Inayati

---

---

ham-asron mein ye chheD chali aai hai 'azhar'
yan 'zauq' ne 'ghaalib' ko bhi ghaalib nahin samjha

Azhar Inayati

---

---

ghar se kis tarah main niklun ki ye maddham sa charagh
main nahin hunga to tanhai mein bujh jaega

Azhar Inayati

---

---

ghazal ka sher to hota hai bas kisi ke liye
magar sitam hai ki sab ko sunana paDta hai

Azhar Inayati

---

---

chaurahon ka to husn baDha shahr ke magar
jo log namwar the wo patthar ke ho gae

Azhar Inayati

---

---

apni taswir banaoge to hoga ehsas
kitna dushwar hai KHud ko koi chehra dena

Azhar Inayati

---

---

ajab junun hai ye intiqam ka jazba
shikast kha ke wo pani mein zahr Dal aaya

Azhar Inayati

---

---

ab mere baad koi sar bhi nahin hoga tulua
ab kisi samt se patthar bhi nahin aaega

Azhar Inayati

---

---