hum ne jo qasidon ko munasib nahin samjha
shah ne bhi hamein apna musahib nahin samjha
kanTe bhi kuchh is rut mein tarah-dar nahin the
kuchh hum ne ulajhna bhi munasib nahin samjha
KHud qatil-e-aqdar-e-sharafat hai zamana
ilzam hai main hifz-e-maraatib nahin samjha
ham-asron mein ye chheD chali aai hai 'azhar'
yan 'zauq' ne 'ghaalib' ko bhi ghaalib nahin samjha
Ghazal
Humne jo qasidon ko munasib nahin samjha
Azhar Inayati