kis ne bhige hue baalon se ye jhaTka pani
jhum ke aai ghaTa TuT ke barsa pani

Arzoo Lakhnavi

---

---

kuchh to mil jae lab-e-shirin se
zahr khane ki ijazat hi sahi

Arzoo Lakhnavi

---

---

lalach bhari mohabbat nazron se gir na jae
bad-e'tiqad dil ki jhuTi namaz ho ka

Arzoo Lakhnavi

---

---

masum nazar ka bhola-pan lalcha ke lubhana kya jaane
dil aap nishana banta hai wo tir chalana kya jaane

Arzoo Lakhnavi

---

---

maKHarab-e-kar hui josh mein KHud ujlat-e-kar
pichhe haT jaegi manzil mujhe malum na tha

Arzoo Lakhnavi

---

---

misal-e-shama apni aag mein kya aap jal jaun
qisas-e-KHamushi legi kahan tak ai zaban mujh se

Arzoo Lakhnavi

---

---

mohabbat nek-o-bad ko sochne de ghair-mumkin hai
baDhi jab be-KHudi phir kaun Darta hai gunahon se

Arzoo Lakhnavi

---

---

mohabbat wahin tak hai sachchi mohabbat
jahan tak koi ahd-o-paiman nahin hai

Arzoo Lakhnavi

---

---

mujhe rahne ko wo mila hai ghar ki jo aafaton ki hai rahguzar
tumhein KHaksaron ki kya KHabar kabhi niche utre ho baam se

Arzoo Lakhnavi

---

---