nazar bacha ke jo aansu kiye the main ne pak
KHabar na thi yahi dhabbe banenge daman ke

Arzoo Lakhnavi

---

---

nahin wo agli si raunaq dayar-e-hasti ki
tabah-kun koi tufan tha shabab na tha

Arzoo Lakhnavi

---

---

nam mansur ka qismat ne uchhaala warna
hai yahan kaun sa haq-go ki sar-e-dar nahin

Arzoo Lakhnavi

---

---

dafatan tark-e-talluq mein bhi ruswai hai
uljhe daman ko chhuDate nahin jhaTka de ka

Arzoo Lakhnavi

---

---

had se Takraati hai jo shai wo palaTti hai zarur
KHud bhi roenge gharibon ko rulane wale

Arzoo Lakhnavi

---

---

hath se kis ne saghar paTka mausam ki be-kaifi par
itna barsa TuT ke baadal Dub chala mai-KHana bhi

Arzoo Lakhnavi

---

---

faza mahdud kab hai ai dil-e-wahshi falak kaisa
nilahaT hai nazar ki dekhte hain jo nigahon se

Arzoo Lakhnavi

---

---

ek dil patthar bane aur ek dil ban jae mom
aaKHir itna farq kyun taqsim-e-ab-o-gil mein hai

Arzoo Lakhnavi

---

---

dost ne dil ko toD ke naqsh-e-wafa miTa diya
samjhe the hum jise KHalil kaba usi ne Dha diya

Arzoo Lakhnavi

---

---