kis kaam ki aisi sachchai jo toD de ummiden dil ki
thoDi si tasalli ho to gai mana ki wo bol ke jhuT gaya

Arzoo Lakhnavi

---

---

kis gul ki bu hai daman-e-dil mein basi hui
chalti hai chheDti hui baad-e-saba mujhe

Arzoo Lakhnavi

---

---

KHushbu kahin chhupi hai mohabbat ke phul ki
li ek sans aur gali tak mahak gai

Arzoo Lakhnavi

---

---

KHizan ka bhes bana kar bahaar ne mara
mujhe do-rangi-e-lail-o-nahaar ne mara

Arzoo Lakhnavi

---

---

KHamoshi meri mani-KHez thi ai aarzu kitni
ki jis ne jaisa chaha waisa afsana bana Dala

Arzoo Lakhnavi

---

---

KHamosh jalne ka dil ke koi gawah nahin
ki shoala surKH nahin hai dhuan siyah nahin

Arzoo Lakhnavi

---

---

KHali na andalib ka soz-e-nafas gaya
wo lu chali ki rang gulon ka jhulas gaya

Arzoo Lakhnavi

---

---

kar pahle dil pe qabu jame ki phir KHabar le
daman bachane wale jati hai aastin bhi

Arzoo Lakhnavi

---

---

kam na thi tegh se ada-e-KHiram
dost dushman ki shan se nikla

Arzoo Lakhnavi

---

---