itna tarsaya gaya mujh ko mohabbat se ki ab
ek mohabbat pe qanaat nahin kar sakta main

Anjum Saleemi

---

---

jaane toDe the kis ne kis ke liye
phul mere gale paDe hue the

Anjum Saleemi

---

---

jab KHuda bhi nahin tha sath mare
mujh pe biti hai aisi tanhai

Anjum Saleemi

---

---

jast bharta hua farda ke dahane ki taraf
ja nikalta hun kisi guzre zamane ki taraf

Anjum Saleemi

---

---

kahne sunne ke liye aur bacha hi kya hai
so mere dost ijazat mujhe ruKHsat kiya jae

Anjum Saleemi

---

---

kaho hawa se ki itni charagh-pa na phire
main KHud hi apne diye ko bujhane wala hun

Anjum Saleemi

---

---

kaisi hoti hain udasi ki jaDen
aa dikhaun tujhe dil ke reshe

Anjum Saleemi

---

---

kar raha hun tujhe KHushi se basar
zindagi tujh se dad chahta hun

Anjum Saleemi

---

---

KHud tak meri rasai nahin ho rahi abhi
hairat hai us taraf bhi nahin hun jidhar main hun

Anjum Saleemi

---

---