ek be-nam udasi se bhara baiTha hun
aaj dil khol ke rone ki zarurat hai mujhe
Anjum Saleemi
ek din meri KHamushi ne mujhe
lafz ki oT se ishaara kiya
Anjum Saleemi
ek tabir ki surat nazar aai hai idhar
so uTha laya hun sab KHwab purane wale
Anjum Saleemi
han zamane ki nahin apni to sun sakta tha
kash KHud ko hi kabhi baiTh ke samjhata main
Anjum Saleemi
har taraf tu nazar aata hai jidhar jata hun
tere imkan se hijrat nahin kar sakta main
Anjum Saleemi
hijr ko bich mein nahin chhoDa
sab se pahle use tamam kiya
Anjum Saleemi
hijr mein bhi hum ek dusre ke
aamne samne paDe hue the
Anjum Saleemi
ishq farma liya to sochta hun
kya musibat paDi hui thi mujhe
Anjum Saleemi
itna be-tab na ho mujh se bichhaDne ke liye
tujh ko aaankhon se nahin dil se juda karna hai
Anjum Saleemi