kaho hawa se ki itni charagh-pa na phire
main KHud hi apne diye ko bujhane wala hun

Anjum Saleemi

---

---

kis zamane mein mujh ko bhej diya
mujh se to rae bhi na chahi meri

Anjum Saleemi

---

---

kis shafqat mein gundhe hue maula man bap diye
kaisi pyari ruhon ko meri aulad kiya

Anjum Saleemi

---

---

kis ne aabaad kiya hai mari virani ko
ishq ne? ishq to bimar paDa hai mujh mein

Anjum Saleemi

---

---

KHwab sharminda-e-visal hua
hijr mein nind aa gai thi mujhe

Anjum Saleemi

---

---

khuli hui hai jo koi aasan rah mujh par
main us se haT ke ek aur rasta bana raha hun

Anjum Saleemi

---

---

KHud tak meri rasai nahin ho rahi abhi
hairat hai us taraf bhi nahin hun jidhar main hun

Anjum Saleemi

---

---

kar raha hun tujhe KHushi se basar
zindagi tujh se dad chahta hun

Anjum Saleemi

---

---

kaisi hoti hain udasi ki jaDen
aa dikhaun tujhe dil ke reshe

Anjum Saleemi

---

---