main ek ek tamanna se puchh baiTha hun
mujhe yaqin nahin aata ki mera sab hai tu

Anjum Saleemi

---

---

main dil-e-girafta tujhe gungunata rahta hun
bahut dinon se mere yar zer-e-lab hai tu

Anjum Saleemi

---

---

main chiKHta raha kuchh aur bhi hai mera ilaj
magar ye log tumhaara hi nam lete rahe

Anjum Saleemi

---

---

main andhere mein hun magar mujh mein
raushni ne jagah bana li hai

Anjum Saleemi

---

---

main aaj KHud se mulaqat karne wala hun
jahan mein koi bhi mere siwa na rah jae

Anjum Saleemi

---

---

man ki dua na bap ki shafqat ka saya hai
aaj apne sath apna janam din manaya hai

Anjum Saleemi

---

---

mazarat raunde hue phulon se kar lun to chalun
muntazir shahr mein taKHir se aaya hua main

Anjum Saleemi

---

---

kuchh to khinchi khinchi si thi saat visal ki
kuchh yun bhi fasle pe mujhe rakh diya gaya

Anjum Saleemi

---

---

kisi tarah se nazar mutmain nahin hoti
har ek shai ko dobara badal ke dekhta hun

Anjum Saleemi

---

---