judaiyon ki KHalish us ne bhi na zahir ki
chhupae apne gham o iztirab main ne bhi

Aitbar Sajid

---

---

jo meri shabon ke charagh the jo meri umid ke bagh the
wahi log hain meri aarzu wahi suraten mujhe chahiyen

Aitbar Sajid

---

---

jis ko hum ne chaha tha wo kahin nahin is manzar mein
jis ne hum ko pyar kiya wo samne wali murat hai

Aitbar Sajid

---

---

itna paspa na ho diwar se lag jaega
itne samjhaute na kar surat-e-haalat ke sath

Aitbar Sajid

---

---

hum tere KHwabon ki jannat se nikal kar aa gae
dekh tera qasr-e-ali-shan KHali kar diya

Aitbar Sajid

---

---

guftugu der se jari hai natije ke baghair
ek nai baat nikal aati hai har baat ke sath

Aitbar Sajid

---

---

ghazal faza bhi DhunDti hai apne KHas rang ki
hamara masala faqat qalam dawat hi nahin

Aitbar Sajid

---

---

diye munDer pa rakh aate hain hum har sham na jaane kyun
shayad us ke lauT aane ka kuchh imkan abhi baqi hai

Aitbar Sajid

---

---

Diary mein sare achchhe sher chun kar likh liye
ek laDki ne mera diwan KHali kar diya

Aitbar Sajid

---

---