nakaam hain asar se duaen dua se hum
majbur hain ki laD nahin sakte KHuda se hum

Ahsan Marahravi

---

---

mutmain apne yaqin par agar insan ho jae
sau hijabon mein jo pinhan hai numayan ho jae

Ahsan Marahravi

---

---

mujhe KHabar nahin gham kya hai aur KHushi kya hai
ye zindagi ki hai surat to zindagi kya hai

Ahsan Marahravi

---

---

ek dil hai ek hasrat ek hum hain ek tum
itne gham kam hain jo koi aur gham paida karen

Ahsan Marahravi

---

---

maut hi aap ke bimar ki qismat mein na thi
warna kab zahr ka mumkin tha dawa ho jaana

Ahsan Marahravi

---

---

kyun chup hain wo be-baat samajh mein nahin aata
ye rang-e-mulaqat samajh mein nahin aata

Ahsan Marahravi

---

---

kisi mashuq ka aashiq se KHafa ho jaana
ruh ka jism se goya hai juda ho jaana

Ahsan Marahravi

---

---

kisi ko bhej ke KHat hae ye kaisa azab aaya
ki har ek puchhta hai nama-bar aaya jawab aaya

Ahsan Marahravi

---

---

kar ke dafn apne parae chal diye
bekasi ka qabr par matam raha

Ahsan Marahravi

---

---