ok le ai zabt jo aansu ki chashm-e-tar mein hai
kuchh nahin bigDa abhi tak ghar ki daulat ghar mein hai

Ahsan Marahravi

---

---

mujhe KHabar nahin gham kya hai aur KHushi kya hai
ye zindagi ki hai surat to zindagi kya hai

Ahsan Marahravi

---

---

mutmain apne yaqin par agar insan ho jae
sau hijabon mein jo pinhan hai numayan ho jae

Ahsan Marahravi

---

---

nakaam hain asar se duaen dua se hum
majbur hain ki laD nahin sakte KHuda se hum

Ahsan Marahravi

---

---

qasid nai ada se ada-e-payam ho
matlab ye hai ki baat na ho aur kalam ho

Ahsan Marahravi

---

---

ah-e-ulfat ka nishan ye hai ki wo hai be-nishan
jada kaisa naqsh-e-pa tak koi manzil mein nahin

Ahsan Marahravi

---

---

tang aa gaya hun wusat-e-mafhum-e-ishq se
nikla jo harf munh se wo afsana ho gaya

Ahsan Marahravi

---

---

ye sadma jite ji dil se hamare ja nahin sakta
unhen wo bhule baiThe hain jo un par marne wale hain

Ahsan Marahravi

---

---

tamam umr isi ranj mein tamam hui
kabhi ye tum ne na pucha teri KHushi kya hai

Ahsan Marahravi

---

---