a-zahir ek hi shab hai firaq-e-yar magar
koi guzarne baiThe to umr sari lage
Ahmad Faraz
hari bahaar mein ek shaKH par khila hai gulab
ki jaise tu ne hatheli pe gal rakkha hai
Ahmad Faraz
chala tha zikr zamane ki bewafai ka
so aa gaya hai tumhaara KHayal waise hi
Ahmad Faraz
chale the yar baDe zoam mein hawa ki tarah
palaT ke dekha to baiThe hain naqsh-e-pa ki tarah
Ahmad Faraz
chup-chap apni aag mein jalte raho 'faraaz'
duniya to arz-e-haal se be-abru kare
Ahmad Faraz
dekha mujhe to tark-e-talluq ke bawajud
wo muskura diya ye hunar bhi usi ka tha
Ahmad Faraz
dekho ye kisi aur ki aankhen hain ki meri
dekhun ye kisi aur ka chehra hai ki tum ho
Ahmad Faraz
DhunD ujDe hue logon mein wafa ke moti
ye KHazane tujhe mumkin hai KHarabon mein milen
seek ye pearls of faithfulness in those lost and drowned
it well could be these treasures in wastelands do abound
Ahmad Faraz
dil bhi pagal hai ki us shaKHs se wabasta hai
jo kisi aur ka hone de na apna rakkhe
Ahmad Faraz