ab tera zikr bhi shayad hi ghazal mein aae
aur se aur hue dard ke unwan jaanan

Ahmad Faraz

---

---

aankh se dur na ho dil se utar jaega
waqt ka kya hai guzarta hai guzar jaega

Ahmad Faraz

---

---

ab to ye aarzu hai ki wo zaKHm khaiye
ta-zindagi ye dil na koi aarzu kare

Ahmad Faraz

---

---

ab use log samajhte hain giraftar mera
saKHt nadim hai mujhe dam mein lane wala

Ahmad Faraz

---

---

ab zamin par koi gautam na mohammad na masih
aasmanon se nae log utare jaen

Ahmad Faraz

---

---

abhi kuchh aur karishme ghazal ke dekhte hain
'faraaz' ab zara lahja badal ke dekhte hain

Ahmad Faraz

---

---

abhi to jag rahe hain charagh rahon ke
abhi hai dur sahar thoDi dur sath chalo

Ahmad Faraz

---

---

agar tumhaari ana hi ka hai sawal to phir
chalo main hath baDhata hun dosti ke liye

Ahmad Faraz

---

---

agarche zor hawaon ne Dal rakkha hai
magar charagh ne lau ko sambhaal rakkha hai

Ahmad Faraz

---

---