تعبیر بتائی جا چکی ہے
اب آنکھ کو خواب دیکھنا ہے

احمد عطا

---

---

میں تیری روح میں اترا ہوا ملوں گا تجھے
اور اس طرح کہ تجھے کچھ خبر نہیں ہونی

احمد عطا

---

---

میں تو مٹی ہو رہا تھا عشق میں لیکن عطاؔ
آ گئی مجھ میں کہیں سے بے دماغی میرؔ کی

احمد عطا

---

---

میں اس کی آنکھوں کے بارے میں کچھ نہیں کہتا
افق سے تا بہ افق اک جہاں سمجھ لیجے

احمد عطا

---

---

نارسائی نے عجب طور سکھائے ہیں عطاؔ
یعنی بھولے بھی نہیں تم کو پکارا بھی نہیں

احمد عطا

---

---

پھر کوئی دور ہوا جاتا ہے
پھر کوئی دل کے قریب آئے گا

احمد عطا

---

---

سڑک پہ بیٹھ گئے دیکھتے ہوئے دنیا
اور ایسے ترک ہوئی ایک خودکشی ہم سے

احمد عطا

---

---

یہ ترا ہجر عطا درد عطا کرب عطا
اب عطاؔ کیسے جیے تیری عطاؤں کے بغیر

احمد عطا

---

---

یہ جو راتوں کو مجھے خواب نہیں آتے عطاؔ
اس کا مطلب ہے مرا یار خفا ہے مجھ سے

احمد عطا

---

---