tabir batai ja chuki hai
ab aankh ko KHwab dekhna hai
Ahmad Ata
main teri ruh mein utra hua milunga tujhe
aur is tarah ki tujhe kuchh KHabar nahin honi
Ahmad Ata
main to miTTi ho raha tha ishq mein lekin 'ata'
aa gai mujh mein kahin se be-dimaghi 'mir' ki
Ahmad Ata
main us ki aaankhon ke bare mein kuchh nahin kahta
ufuq se ta-ba-ufuq ek jahan samajh lije
Ahmad Ata
na-rasai ne ajab taur sikhae hain 'ata'
yani bhule bhi nahin tum ko pukara bhi nahin
Ahmad Ata
phir koi dur hua jata hai
phir koi dil ke qarib aaega
Ahmad Ata
saDak pe baiTh gae dekhte hue duniya
aur aise tark hui ek KHud-kushi hum se
Ahmad Ata
ye tera hijr ata dard ata karb ata
ab 'ata' kaise jiye teri ataon ke baghai
Ahmad Ata
ye jo raaton ko mujhe KHwab nahin aate 'ata'
is ka matlab hai mera yar KHafa hai mujh se
Ahmad Ata