qad sarw chashm nargis ruKH gul dahan ghuncha
karta hun dekh tum kun sair-e-chaman mamola

Abroo Shah Mubarak

---

---

mil gaya tha bagh mein mashuq ek nak-dar sa
rang o ru mein phul ki manind saj mein KHar sa

Abroo Shah Mubarak

---

---

muflisi sin ab zamane ka raha kuchh haal nain
aasman charKHi ke jun phirta hai lekin mal nain

Abroo Shah Mubarak

---

---

namkin goya kabab hain phike sharab ke
bosa hai tujh laban ka maze-dar chaTpaTa

Abroo Shah Mubarak

---

---

phirte the dasht dasht diwane kidhar gae
we aashiqi ke hae zamane kidhar gae

Abroo Shah Mubarak

---

---

owne nin mujh diwane ke kiya siyanon ka kaam
sail sin anjhuwan ke sara shahr viran ho gaya

Abroo Shah Mubarak

---

---

sath mere tere jo dukh tha so pyare aish tha
jab sin tu bichhDa hai tab sin aish sab gham ho gaya

Abroo Shah Mubarak

---

---

mil gain aapas mein do nazren ek aalam ho gaya
jo ki hona tha so kuchh ankhiyon mein baham ho gaya

Abroo Shah Mubarak

---

---

qaul 'abru' ka tha ki na jaunga us gali
ho kar ke be-qarar dekho aaj phir gaya

Abroo Shah Mubarak

---

---