dagh sin kyun na dil ujala ho
chashm ki raushni siyahi hai

Abroo Shah Mubarak

---

---

fani-e-ishq kun tahqiq ki hasti hai kufr
dam-ba-dam zist nen meri mujhe zunnar diya

Abroo Shah Mubarak

---

---

dur KHamosh baiTha rahta hun
is tarah haal dil ka kahta hun

Abroo Shah Mubarak

---

---

diwane dil kun mere shahr sen hargiz nahin banti
agar jangal ka jaana ho to us ki baat sab ban ja

Abroo Shah Mubarak

---

---

dilli mein dard-e-dil kun koi puchhta nahin
mujh kun qasam hai KHwaja-qutub ke mazar ki

Abroo Shah Mubarak

---

---

dildar ki gali mein mukarrar gae hain hum
ho aae hain abhi to phir aa kar gae hain hum

Abroo Shah Mubarak

---

---

dil kab aawargi ko bhula hai
KHak agar ho gaya bagula hai

Abroo Shah Mubarak

---

---

dikhai KHwab mein di thi Tuk ek munh ki jhalak hum kun
nahin taqat ankhiyon ke kholne ki ab talak hum kun

Abroo Shah Mubarak

---

---

Dar KHuda sin KHub nain ye waqt-e-qatl-e-am kun
subh kun khola na kar is zulf-e-KHun-asham kun

Abroo Shah Mubarak

---

---