jangal ke bich wahshat ghar mein jafa o kulfat
ai dil bata ki tere mare hum ab kidhar jaan

Abroo Shah Mubarak

---

---

KHudawanda karam kar fazl kar ahwal par mere
nazar kar aap par mat kar nazar afaal par mere

Abroo Shah Mubarak

---

---

KHud apni aadmi ko baDi qaid-e-saKHt hai
phoD aaina wa toD sikandar ki sad ke tain

Abroo Shah Mubarak

---

---

kam mat gino ye baKHt-siyahon ka rang-e-zard
sona wahi jo howe kasauTi kasa hua

Abroo Shah Mubarak

---

---

kabhi be-dam Thahrawen kabhi zanjir karte hain
ye na-shaer teri zulfan kun kya kya nam dharte hain

Abroo Shah Mubarak

---

---

jo ki bismillah kar khae taam
to zarar nain go ki howe bis mila

Abroo Shah Mubarak

---

---

jalta hai ab talak teri zulfon ke rashk se
har-chand ho gaya hai chaman ka charagh gul

Abroo Shah Mubarak

---

---

jab sin tere mulaem galon mein dil dhansa hai
narmi sun dil hua hai tab sun rui ka gala

Abroo Shah Mubarak

---

---

jab ki aisa ho gandumi mashuq
nit gunahgar kyun na ho aadam

Abroo Shah Mubarak

---

---