ishq kar ke bhi khul nahin paya
tera mera muamla kya hai

Abbas Tabish

---

---

jhonke ke sath chhat gai dastak ke sath dar gaya
taza hawa ke shauq mein mera to sara ghar gaya

Abbas Tabish

---

---

KHub itna tha ki diwar pakaD kar nikla
us se milne ke liye surat-e-saya gaya main

Abbas Tabish

---

---

kuchh to apni gardanen kaj hain hawa ke zor se
aur kuchh apni tabiat mein asar miTTi ka hai

Abbas Tabish

---

---

main apne aap mein gahra utar gaya shayad
mere safar se alag ho gai rawani meri

Abbas Tabish

---

---

main hun is shahr mein taKHir se aaya hua shaKHs
mujh ko ek aur zamane mein baDi der lagi

Abbas Tabish

---

---

main jis sukun se baiTha hun is kinare par
sukun se lagta hai mera qayam aaKHiri hai

Abbas Tabish

---

---

makin jab nind ke sae mein sustane lagen 'tabish'
safar karte hain basti ke makan aahista aahista

Abbas Tabish

---

---