teri mohabbat mein gumrahi ka ajab nasha tha
ki tujh tak aate hue KHuda tak pahunch gae hain

Abbas Tabish

---

---

tu bhi ai shaKHs kahan tak mujhe bardasht kare
bar bar ek hi chehra nahin dekha jata

Abbas Tabish

---

---

un aankhon mein kudne walo tum ko itna dhyan rahe
wo jhilen payab hain lekin un ki tah pathrili hai

Abbas Tabish

---

---

waqt lafzon se banai hui chadar jaisa
oDh leta hun to sab KHwab hunar lagta hai

Abbas Tabish

---

---

warna koi kab galiyan deta hai kisi ko
ye us ka karam hai ki tujhe yaad raha main

Abbas Tabish

---

---

ye mauj mauj bani kis ki shakl si 'tabish'
ye kaun Dub ke bhi lahr lahr phail gaya

Abbas Tabish

---

---

ye mohabbat ki kahani nahin marti lekin
log kirdar nibhate hue mar jate hain

Abbas Tabish

---

---

ye to ab ishq mein ji lagne laga hai kuchh kuchh
is taraf pahle-pahal gher ke laya gaya main

Abbas Tabish

---

---

ye zamin to hai kisi kaghzi kashti jaisi
baiTh jata hun agar bar na samjha jae

Abbas Tabish

---

---