jo baat dil mein thi us se nahin kahi hum ne
wafa ke nam se wo bhi fareb kha jata

Aziz Hamid Madni

---

---

KHun hua dil ki pashiman-e-sadaqat hai wafa
KHush hua ji ki chalo aaj tumhaare hue log

Aziz Hamid Madni

---

---

meri wafa hai us ki udasi ka ek bab
muddat hui hai jis se mujhe ab mile hue

Aziz Hamid Madni

---

---

aazma lo ki dil ko chain aae
ye na kahna kahin wafa hi nahin

Baqar Mehdi

---

---

ek aurat se wafa karne ka ye tohfa mila
jaane kitni auraton ki bad-duaen sath hain

Bashir Badr

---

---

mohabbat adawat wafa be-ruKHi
kirae ke ghar the badalte rahe

Bashir Badr

---

---

aagahi karb wafa sabr tamanna ehsas
mere hi sine mein utre hain ye KHanjar sare

Bashir Farooqi

---

---