ahut mushkil zamanon mein bhi hum ahl-e-mohabbat
wafa par ishq ki buniyaad rakhna chahte hain

Iftikhar Arif

---

---

wafa ke bab mein kar-e-suKHan tamam hua
meri zamin pe ek marka lahu ka bhi ho

Iftikhar Arif

---

---

wafa ki KHair manata hun bewafai mein bhi
main us ki qaid mein hun qaid se rihai mein bhi

Iftikhar Arif

---

---

ya wafa hi na thi zamane mein
ya magar doston ne ki hi nahin

Ismail Merathi

---

---

wafa iKHlas qurbani mohabbat
ab in lafzon ka pichha kyun karen hum

Jaun Eliya

---

---

duniya ke sitam yaad na apni hi wafa yaad
ab mujh ko nahin kuchh bhi mohabbat ke siwa yaad

Jigar Moradabadi

---

---

wo kahte hain har choT par muskurao
wafa yaad rakkho sitam bhul jao

Kaleem Aajiz

---

---