pyar ka pahla KHat likhne mein waqt to lagta hai
nae parindon ko uDne mein waqt to lagta hai

Hastimal Hasti

---

---

tum se bichhaD kar zinda hain
jaan bahut sharminda hain

Iftikhar Arif

---

---

kisi sabab se agar bolta nahin hun main
to yun nahin ki tujhe sochta nahin hun main

Iftikhar Mughal

---

---

is qadar bhi to na jazbaat pe qabu rakkho
thak gae ho to mere kandhe pe bazu rakkho

Iftikhar Naseem

---

---

aaj ki sham guzarenge hum chhatri mein
barish hogi KHabren sun kar aaya hun

Iliyas Babar Aawan

---

---

hum bahut dur nikal aae hain chalte chalte
ab Thahar jaen kahin sham ke Dhalte Dhalte

Iqbal Azeem

---

---

dekhun tere hathon ko to lagta hai tere hath
mandir mein faqat dip jalane ke liye hain

Jaan Nisar Akhtar

---

---