utar bhi aao kabhi aasman ke zine se
tumhein KHuda ne hamare liye banaya hai

Bashir Badr

---

---

wo chandni ka badan KHushbuon ka saya hai
bahut aziz hamein hai magar paraya hai

Bashir Badr

---

---

wo chehra kitabi raha samne
baDi KHubsurat paDhai hui

Bashir Badr

---

---

ye maza tha dil-lagi ka ki barabar aag lagti
na tujhe qarar hota na mujhe qarar hota

Dagh Dehlvi

---

---

qabron mein nahin hum ko kitabon mein utaro
hum log mohabbat ki kahani mein maren hain

Ejaaz tawakkal

---

---

puchh lete wo bas mizaj mera
kitna aasan tha ilaj mera

Fahmi Badayuni

---

---

ilaj apna karaate phir rahe ho jaane kis kis se
mohabbat kar ke dekho na mohabbat kyun nahin karte

Farhat Ehsas

---

---