kyun jawani ki mujhe yaad aai
main ne ek KHwab sa dekha kya tha

Asrar-ul-Haq Majaz

---

---

qayamat hai teri uThti jawani
ghazab Dhane lagin nichi nigahen

Bekhud Dehlvi

---

---

wo kuchh muskurana wo kuchh jhenp jaana
jawani adaen sikhati hain kya kya

Bekhud Dehlvi

---

---

maza hai ahd-e-jawani mein sar paTakne ka
lahu mein phir ye rawani rahe rahe na rahe

Chakbast Brij Narayan

---

---

ek ada mastana sar se panw tak chhai hui
uf teri kafir jawani josh par aai hui

Dagh Dehlvi

---

---

jawani ko bacha sakte to hain har dagh se waiz
magar aisi jawani ko jawani kaun kahta hai

Fani Badayuni

---

---

mujh tak us mahfil mein phir jam-e-sharab aane ko hai
umr-e-rafta palTi aati hai shabab aane ko hai

Fani Badayuni

---

---