wo tabassum hai ki 'ghaalib' ki tarah-dar ghazal
der tak us ki balaghat ko paDha karte hain

Aal-e-Ahmad Suroor

---

---

'saz' jab khula hum par sher koi 'ghaalib' ka
hum ne goya baatin ka ek suragh sa paya

Abdul Ahad Saaz

---

---

tum ko dawa hai suKHan-fahmi ka
jao 'ghaalib' ke taraf-dar bano

Adil Mansuri

---

---

'haali' suKHan mein 'shefta' se mustafid hai
'ghaalib' ka mo'taqid hai muqallid hai 'mir' ka

Altaf Hussain Hali

---

---

hum KHud bhi hue nadim jab harf-e-dua nikla
samjhe the jise patthar wo shaKHs KHuda nikla

Hilal Fareed

---

---

hami bhi na the munkir-e-'ghaalib' bhi nahin the
hum ahl-e-tazabzub kisi jaanib bhi nahin the

Iftikhar Arif

---

---

qismat ke bazar se bas ek chiz hi to le sakte the
tum ne taj uThaya main ne 'ghaalib' ka diwan liya

Sayed Naseer Shah

---

---