hath duniya ka bhi hai dil ki KHarabi mein bahut
phir bhi ai dost teri ek nazar se kam hai

Idris Babar

---

---

dil kabhi KHwab ke pichhe kabhi duniya ki taraf
ek ne ajr diya ek ne ujrat nahin di

Iftikhar Arif

---

---

duniya badal rahi hai zamane ke sath sath
ab roz roz dekhne wala kahan se laen

Iftikhar Arif

---

---

as aane lagi duniya to kaha dil ne ki ja
ab tujhe dard ki daulat nahin milne wali

Iftikhar Arif

---

---

umid-o-bim ke mehwar se haT ke dekhte hain
zara si der ko duniya se kaT ke dekhte hain

Iftikhar Arif

---

---

ye sari jannaten ye jahannam azab o ajr
sari qayamaten isi duniya ke dam se hain

Iftikhar Arif

---

---

mashuqon se ummid-e-wafa rakhte ho 'nasiKH'
nadan koi duniya mein nahin tum se ziyaada

Imam Bakhsh Nasikh

---

---