اہرمن کا رقص وحشت ہر گلی ہر موڑ پر
بربریت دیکھ کر ہے خود قضا سہمی ہوئی

سید شکیل دسنوی

---

---

گرد سفر کے ساتھ تھا وابستہ انتظار
اب تو کہیں غبار بھی باقی نہیں رہا

سید شکیل دسنوی

---

---

موت کے خونخوار پنجوں میں سسکتی ہے حیات
آج ہے انسانیت کی ہر ادا سہمی ہوئی

سید شکیل دسنوی

---

---

پھر کوئی چوٹ ابھری دل میں کسک سی جاگی
یادوں کی آج شاید پروائی چل رہی ہے

سید شکیل دسنوی

---

---

رشتہ رہا عجیب مرا زندگی کے ساتھ
چلتا ہو جیسے کوئی کسی اجنبی کے ساتھ

سید شکیل دسنوی

---

---

شکیلؔ ہجر کے زینوں پہ رک گئیں یادیں
اسی مقام پر آ کر ٹھہر گئی شب بھی

سید شکیل دسنوی

---

---

اس سے بچھڑا تو یوں لگا جیسے
کوئی مجھ میں بکھر گیا صاحب

سید شکیل دسنوی

---

---