na-shanasan-e-mohabbat ka gila kya ki yahan
ajnabi wo hain ki thi jin se shanasai bhi

Shaukat Pardesi

---

---

aat ek nadar ka ghar jal gaya tha aur bas
log to be-wajh sannaTe se ghabrane lage

Shaukat Pardesi

---

---

qarib se use dekho to wo bhi tanha hai
jo dur se nazar aata hai anjuman yaro

Shaukat Pardesi

---

---

phunk kar sara chaman jab wo sharik-e-gham hue
un ko is aalam mein bhi gham-ashna kahna paDa

Shaukat Pardesi

---

---

nigah ko bhi mayassar hai dil ki gahrai
ye tarjuman-e-mohabbat hai be-zaban na kaho

Shaukat Pardesi

---

---

kya baDhega wo tasawwur ki hadon se aage
subh ki dekh ke yaad aae jise sham ki baat

Shaukat Pardesi

---

---

kuchh to fitrat se mili danai
kuchh mayassar hui na-danon se

Shaukat Pardesi

---

---

sharik-e-dard nahin jab koi to ai 'shaukat'
KHud apni zat ki bechaargi ghanimat hai

Shaukat Pardesi

---

---

mauj-e-tufan se nikal kar bhi salamat na rahe
nazr-e-sahil hue dariya ke shanawar kitne

Shaukat Pardesi

---

---