نا شناسان محبت کا گلہ کیا کہ یہاں
اجنبی وہ ہیں کہ تھی جن سے شناسائی بھی

شوکت پردیسی

---

---

رات اک نادار کا گھر جل گیا تھا اور بس
لوگ تو بے وجہ سناٹے سے گھبرانے لگے

شوکت پردیسی

---

---

قریب سے اسے دیکھو تو وہ بھی تنہا ہے
جو دور سے نظر آتا ہے انجمن یارو

شوکت پردیسی

---

---

پھونک کر سارا چمن جب وہ شریک غم ہوئے
ان کو اس عالم میں بھی غم آشنا کہنا پڑا

شوکت پردیسی

---

---

نگاہ کو بھی میسر ہے دل کی گہرائی
یہ ترجمان محبت ہے بے زباں نہ کہو

شوکت پردیسی

---

---

کیا بڑھے گا وہ تصور کی حدوں سے آگے
صبح کی دیکھ کے یاد آئے جسے شام کی بات

شوکت پردیسی

---

---

کچھ تو فطرت سے ملی دانائی
کچھ میسر ہوئی نادانوں سے

شوکت پردیسی

---

---

شریک درد نہیں جب کوئی تو اے شوکتؔ
خود اپنی ذات کی بے چارگی غنیمت ہے

شوکت پردیسی

---

---

موج طوفاں سے نکل کر بھی سلامت نہ رہے
نذر ساحل ہوئے دریا کے شناور کتنے

شوکت پردیسی

---

---