larazte kanpte hathon se buDha
chilam mein phir koi dukh bhar raha tha

Shariq Kaifi

---

---

pahli bar wo KHat likkha tha
jis ka jawab bhi aa sakta tha

Shariq Kaifi

---

---

nind ke waste waise bhi zaruri hai thakan
pyas bhaDkaen kisi sae ka pichha kar aaen

Shariq Kaifi

---

---

naya yun hai ki an-dekha hai sab kuchh
yahan tak raushni aati kahan thi

Shariq Kaifi

---

---

maut ne sari raat hamari nabz TaToli
aisa marne ka mahaul banaya hum ne

Shariq Kaifi

---

---

manzilon par hum milen ye tai hua
wapsi mein sath pakka kar liya

Shariq Kaifi

---

---

main kisi dusre pahlu se use kyun sochun
yun bhi achchha hai wo jaisa nazar aata hai mujhe

Shariq Kaifi

---

---

kis ehsas-e-jurm ki sab karte hain tawaqqo
ek kirdar kiya tha jis mein qatil tha main

Shariq Kaifi

---

---

kaun tha wo jis ne ye haal kiya hai mera
kis ko itni aasani se hasil tha main

Shariq Kaifi

---

---