لرزتے کانپتے ہاتھوں سے بوڑھا
چلم میں پھر کوئی دکھ بھر رہا تھا

شارق کیفی

---

---

پہلی بار وہ خط لکھا تھا
جس کا جواب بھی آ سکتا تھا

شارق کیفی

---

---

نیند کے واسطے ویسے بھی ضروری ہے تھکن
پیاس بھڑکائیں کسی سائے کا پیچھا کر آئیں

شارق کیفی

---

---

نیا یوں ہے کہ ان دیکھا ہے سب کچھ
یہاں تک روشنی آتی کہاں تھی

شارق کیفی

---

---

موت نے ساری رات ہماری نبض ٹٹولی
ایسا مرنے کا ماحول بنایا ہم نے

شارق کیفی

---

---

منزلوں پر ہم ملیں یہ طے ہوا
واپسی میں ساتھ پکا کر لیا

شارق کیفی

---

---

میں کسی دوسرے پہلو سے اسے کیوں سوچوں
یوں بھی اچھا ہے وہ جیسا نظر آتا ہے مجھے

شارق کیفی

---

---

کس احساس جرم کی سب کرتے ہیں توقع
اک کردار کیا تھا جس میں قاتل تھا میں

شارق کیفی

---

---

کون تھا وہ جس نے یہ حال کیا ہے میرا
کس کو اتنی آسانی سے حاصل تھا میں

شارق کیفی

---

---