آؤ گلے مل کر یہ دیکھیں
اب ہم میں کتنی دوری ہے

شارق کیفی

---

---

اب مجھے کون جیت سکتا ہے
تو مرے دل کا آخری ڈر تھا

شارق کیفی

---

---

ابھی تو اچھی لگے گی کچھ دن جدائی کی رت
ابھی ہمارے لیے یہ سب کچھ نیا نیا ہے

شارق کیفی

---

---

اچانک ہڑبڑا کر نیند سے میں جاگ اٹھا ہوں
پرانا واقعہ ہے جس پہ حیرت اب ہوئی ہے

شارق کیفی

---

---

عجب لہجے میں کرتے تھے در و دیوار باتیں
مرے گھر کو بھی شاید میری عادت اب ہوئی ہے

شارق کیفی

---

---

بہت بھٹکے تو ہم سمجھے ہیں یہ بات
برا ایسا نہیں اپنا مکاں بھی

شارق کیفی

---

---

بہت گدلا تھا پانی اس ندی کا
مگر میں اپنا چہرہ دیکھ آیا

شارق کیفی

---

---

بہت حسیں رات ہے مگر تم تو سو رہے ہو
نکل کے کمرے سے اک نظر چاندنی تو دیکھو

شارق کیفی

---

---

بہت ہمت کا ہے یہ کام شارقؔ
کہ شرماتے نہیں ڈرتے ہوئے ہم

شارق کیفی

---

---