اردو हिंदी
Obaidullah Aleem Shayari | Shaahi Shayari

Obaidullah Aleem Shers

47 Shers

main ek se kisi mausam mein rah nahin sakta
kabhi visal kabhi hijr se rihai de

Obaidullah Aleem


Tags: | 2 Lines Shayari |


phir is tarah kabhi soya na is tarah jaga
ki ruh nind mein thi aur jagta tha main

Obaidullah Aleem


Tags: | 2 Lines Shayari |


palaT sakun hi na aage hi baDh sakun jis par
mujhe ye kaun se raste laga gaya ek shaKHs

Obaidullah Aleem


Tags: | 2 Lines Shayari |


mujh se mera koi milne wala
bichhDa to nahin magar mila de

Obaidullah Aleem


Tags: | 2 Lines Shayari |


main us ko bhul gaya hun wo mujh ko bhul gaya
to phir ye dil pe kyun dastak si na-gahani hui

Obaidullah Aleem


Tags: | 2 Lines Shayari |


main tanha tha main tanha hun
tum aao to kya na aao to kya

Obaidullah Aleem


Tags: | 2 Lines Shayari |


KHurshid misal shaKHs kal sham
miTTi ke supurd kar diya hai

Obaidullah Aleem


Tags: | 2 Lines Shayari |


kal matam be-qimat hoga aaj un ki tauqir karo
dekho KHun-e-jigar se kya kya likhte hain afsane log

Obaidullah Aleem


Tags: | 2 Lines Shayari |


kha gaya insan ko aashob-e-maash
aa gae hain shahr bazaron ke bich

Obaidullah Aleem


Tags: | 2 Lines Shayari |