hae wo log gae chand se milne aur phir
apne hi TuTe hue KHwab uTha kar le aae

Obaidullah Aleem

---

---

hawa ke dosh pe rakkhe hue charagh hain hum
jo bujh gae to hawa se shikayaten kaisi

Obaidullah Aleem

---

---

hazar rah chale phir wo rahguzar aai
ki ek safar mein rahe aur har safar se gae

Obaidullah Aleem

---

---

hazar tarah ke sadme uThane wale log
na jaane kya hua ek aan mein bikhar se gae

Obaidullah Aleem

---

---

insan ho kisi bhi sadi ka kahin ka ho
ye jab uTha zamir ki aawaz se uTha

Obaidullah Aleem

---

---

jab mila husn bhi harjai to us bazm se hum
ishq-e-awara ko betab uTha kar le aae

Obaidullah Aleem

---

---

jawani kya hui ek raat ki kahani hui
badan purana hua ruh bhi purani hui

Obaidullah Aleem

---

---

jis ko milna nahin phir us se mohabbat kaisi
sochta jaun magar dil mein basae jaun

Obaidullah Aleem

---

---

jo aa rahi hai sada ghaur se suno us ko
ki is sada mein KHuda bolta sa lagta hai

Obaidullah Aleem

---

---