na TuT kar itna hum ko chaho ki ro paDen hum
dabi dabai si choT ek ek ubhar gai hai
Musavvir Sabzwari
kisi ko qissa-e-paki-e-chashm yaad nahin
ye aanhken kaun si barsat mein nahai thin
Musavvir Sabzwari
kiya na tark-e-marasim pe ehtijaj us ne
ki jaise guzre kisi manzil-e-najat se wo
Musavvir Sabzwari
main sang-e-rah hun to Thokar ki zad pe aaunga
tum aaina ho to phir TuTna zaruri hai
Musavvir Sabzwari
main sang-e-rah nahin jo uTha kar tu phenk de
main aisa marhala hun jo sau bar aaega
Musavvir Sabzwari
mere bachche tera bachpan to main ne bech Dala
buzurgi oDh kar kandhe tere KHam ho gae hain
Musavvir Sabzwari
na socho tark-e-talluq ke moD par ruk kar
qadam baDhao ki ye hadsa zaruri hai
Musavvir Sabzwari
sajni ki aankhon mein chhup kar jab jhanka
bin holi khele hi sajan bhig gaya
Musavvir Sabzwari
wo sardiyon ki dhup ki tarah ghurub ho gaya
lipaT rahi hai yaad jism se lihaf ki tarah
Musavvir Sabzwari