main sang-e-rah nahin jo uTha kar tu phenk de
main aisa marhala hun jo sau bar aaega

Musavvir Sabzwari

---

---

main sang-e-rah hun to Thokar ki zad pe aaunga
tum aaina ho to phir TuTna zaruri hai

Musavvir Sabzwari

---

---

kiya na tark-e-marasim pe ehtijaj us ne
ki jaise guzre kisi manzil-e-najat se wo

Musavvir Sabzwari

---

---

kisi ko qissa-e-paki-e-chashm yaad nahin
ye aanhken kaun si barsat mein nahai thin

Musavvir Sabzwari

---

---

aankhen yun barsin pairahan bhig gaya
tere dhyan mein sara sawan bhig gaya

Musavvir Sabzwari

---

---

kanar-e-ab hawa jab bhi sansanati hai
nadi mein chupke se ek chiKH Dub jati hai

Musavvir Sabzwari

---

---

jo KHas-e-badan tha jala bahut kai nikhaton ki talash mein
main tamam logon se mil chuka teri qurbaton ki talash mein

Musavvir Sabzwari

---

---

jise main chhu nahin sakta dikhai kyun wo deta hai
farishton jaisi bas meri ibaadat dekhte rahna

Musavvir Sabzwari

---

---

isi umid pe jalti hain dasht dasht aanhken
kabhi to aaega umr-e-KHarab kaT ke wo

Musavvir Sabzwari

---

---