jo KHas-e-badan tha jala bahut kai nikhaton ki talash mein
main tamam logon se mil chuka teri qurbaton ki talash mein

Musavvir Sabzwari

---

---

aankhen yun barsin pairahan bhig gaya
tere dhyan mein sara sawan bhig gaya

Musavvir Sabzwari

---

---

isi umid pe jalti hain dasht dasht aanhken
kabhi to aaega umr-e-KHarab kaT ke wo

Musavvir Sabzwari

---

---

hisar-e-gosh-e-samaat ki dastaras mein kahan
tu wo sada jo faqat jism ko sunai de

Musavvir Sabzwari

---

---

hamare bich mein ek aur shaKHs hona tha
jo laD paDe to koi bhi nahin manane ka

Musavvir Sabzwari

---

---

guzarte patton ki chap hogi tumhaare sehan-e-ana ke andar
fasurda yaadon ki barishen bhi mujhe bhulane ke baad hongi

Musavvir Sabzwari

---

---

faisla the waqt ka phir be-asar kaise hue
sach ki peshani pe hum jhuTi KHabar kaise hue

Musavvir Sabzwari

---

---

dekh wo dasht ki diwar hai sab ka maqtal
is baras jaunga main agle baras jaega tu

Musavvir Sabzwari

---

---

azabon se Tapakti ye chhaten barson chalengi
abhi se kyun makin masruf-e-matam ho gae hain

Musavvir Sabzwari

---

---