غم نہ اپنا نہ اب خوشی اپنی
یعنی دنیا بدل گئی اپنی
ممتاز احمد خاں خوشتر کھنڈوی
غم و کرب و الم سے دور اپنی زندگی کیوں ہو
یہی جینے کا ساماں ہیں تو پھر ان میں کمی کیوں ہو
ممتاز احمد خاں خوشتر کھنڈوی
غبار زندگی میں لیلیٰ مقصود کیا معنی
وہ دیوانے ہیں جو اس گرد کو محمل سمجھتے ہیں
ممتاز احمد خاں خوشتر کھنڈوی
جب سے فریب زیست میں آنے لگا ہوں میں
خود اپنی مشکلوں کو بڑھانے لگا ہوں میں
ممتاز احمد خاں خوشتر کھنڈوی
جس نے جی بھر کے تجلی کو کبھی دیکھا ہو
کوئی ایسا بھی تری جلوہ گہہ ناز میں ہے
ممتاز احمد خاں خوشتر کھنڈوی
کہاں رہ جائے تھک کر رہ نورد غم خدا جانے
ہزاروں منزلیں ہیں منزل آرام آنے تک
ممتاز احمد خاں خوشتر کھنڈوی
تلاش صورت تسکیں نہ کر اوہام ہستی میں
دل محزوں بہل سکتا نہیں اس نقش باطل سے
ممتاز احمد خاں خوشتر کھنڈوی
اسی کو ہم سمجھ لیتے ہیں اپنا سادگی دیکھو
جو اپنے ساتھ راہ شوق میں دو گام آتا ہے
ممتاز احمد خاں خوشتر کھنڈوی