na tasalli na tashaffi na dilasa na wafa
umr ko kaTen tere chahne wale kyun-ka

Mirza Asman Jah Anjum

---

---

shab-e-hijr jab KHwab dekha ye dekha
ki tujh ko gale se lagae hue hain

Mirza Asman Jah Anjum

---

---

sada chaman se jo aati hai roz chaT chaT ki
balaen ghunche teri subh o sham lete hain

Mirza Asman Jah Anjum

---

---

naqsh hoti jati hain lakhon buton ki suraten
kya ye dil bhi KHitta-e-hindostan ho jaega

Mirza Asman Jah Anjum

---

---

nahin hai der yahan apni jaan jaane mein
tumhaare aane ka bas intizar baqi hai

Mirza Asman Jah Anjum

---

---

mohabbat is liye zahir nahin ki
ki tum ko e'tibar aae na aae

Mirza Asman Jah Anjum

---

---

misal-e-charKH raha aasman sar-gardan
par aaj tak na khula ye ki justuju kya hai

Mirza Asman Jah Anjum

---

---

teri marzi gar isi mein hai ki ho didar-e-am
hum ne aankhon par qadam sare zamane ke liye

Mirza Asman Jah Anjum

---

---

na puchha us masiha se kisi ne
tere bimar ki bhi kuchh dawa hai

Mirza Asman Jah Anjum

---

---