aaKHir hua hai hashr bapa intizar mein
subh-e-shab-e-firaq hui marwaD mein

Mardan Ali Khan Rana

---

---

abru aanchal mein dupaTTe ke chhupana hai baja
turk kya myan mein rakhte nahin talwaron ko

Mardan Ali Khan Rana

---

---

ashk-e-hasrat dida-e-dil se hain jari in dinon
kar-e-tufan kar rahi hai ashk-bari in dinon

Mardan Ali Khan Rana

---

---

adan mein zaKHm nahin baddhiyan hain phulon ki
hum apne dil mein isi ko bahaar jaante hain

Mardan Ali Khan Rana

---

---

adan par bar hai phulon ka saya
mera mahbub aisa naznin hai

Mardan Ali Khan Rana

---

---

dard-e-sar hai teri sab pand-o-nasihat naseh
chhoD de mujh ko KHuda par na kar ab sar KHali

Mardan Ali Khan Rana

---

---

dil ko lagaun aur se main tum ko chhoD dun
fiqra hai ye raqib ka aur jhuTh baat hai

Mardan Ali Khan Rana

---

---

diya wo jo na tha wahm-o-guman mein
bhala main aur kya mangun KHuda se

Mardan Ali Khan Rana

---

---

duniya mein koi ishq se bad-tar nahin hai chiz
dil apna muft dijiye phir ji se jaiye

Mardan Ali Khan Rana

---

---