na puchho ham-safaro mujh se majra-e-watan
watan hai mujh pe fida aur main fida-e-watan

Mardan Ali Khan Rana

---

---

le qaza ehsan tujh par kar chale
hum tere aane se pahle mar chale

Mardan Ali Khan Rana

---

---

labon pe jaan hai ek dam ka aur mehman hai
mariz-e-ishq-o-mohabbat ka tere haal ye hai

Mardan Ali Khan Rana

---

---

kyunkar baDhaun rabt na darban-e-yar se
aaKHir koi to milne ki tadbir chahiye

Mardan Ali Khan Rana

---

---

ki riya se na shaiKH ne tauba
mar gaya wo gunahgar afsos

Mardan Ali Khan Rana

---

---

KHuda ra bahr-e-istiqbaal jald ai jaan bahar aa
ayaadat ko meri jaan-e-jahan tashrif late hain

Mardan Ali Khan Rana

---

---

KHud ghalat hai jo kahe hoti hai taqdir ghalat
kahin qismat ki bhi ho sakti hai tahrir ghalat

Mardan Ali Khan Rana

---

---

kho gaya ku-e-dilruba mein 'nizam'
log kahte hain marwaD mein hai

Mardan Ali Khan Rana

---

---

khincha hai aks qalb ki photograph mein
shishe mein hai shabih pari koh-e-qaf mein

Mardan Ali Khan Rana

---

---