saf bata de jo tu ne dekha hai din raat
duniya ke Dar se na rakh dil mein dil ki baat
Makhmoor Saeedi
main us ke wade ka ab bhi yaqin karta hun
hazar bar jise aazma liya main ne
To this day her promises I do still believe
who a thousand times has been wont to deceive
Makhmoor Saeedi
maslahat ke hazar parde hain
mere chehre pe kitne chehre hain
Makhmoor Saeedi
muddaton baad hum kisi se mile
yun laga jaise zindagi se mile
Makhmoor Saeedi
aste shahr ke sab band hue hain tum par
ghar se nikaloge to 'maKHmur' kidhar jaoge
Makhmoor Saeedi
aKHt-e-safar jo pas hamare na tha to kya
shauq-e-safar ko sath liya aur chal paDe
Makhmoor Saeedi
awish rawish par bagh hain kanTe kaliyan phul
main ne kanTe chun liye hui ye kaisi bhul
Makhmoor Saeedi
un se ummid-e-mulaqat ke baad ai 'maKHmur'
muddaton tak na KHud apne se mulaqat hui
Makhmoor Saeedi
zaban pe shukr o shikayat ke sau fasane hain
magar jo dil pe guzarti hai kya kaha jae
Makhmoor Saeedi