ho jae jahan sham wahin un ka basera
aawara parindon ke Thikane nahin hote

Makhmoor Saeedi

---

---

ghar mein raha tha kaun ki ruKHsat kare hamein
chaukhaT ko alwidaa kaha aur chal paDe

Makhmoor Saeedi

---

---

gham o nashat ki har rahguzar mein tanha hun
mujhe KHabar hai main apne safar mein tanha hun

Makhmoor Saeedi

---

---

Dubne walon par kase duniya ne aawaze
sahil se karti rahi tufan ke andaze

Makhmoor Saeedi

---

---

dil pe ek gham ki ghaTa chhai hui thi kab se
aaj un se jo mile TuT ke barsat hui

Makhmoor Saeedi

---

---

uton ko pujne walon ko kyun ilzam dete ho
Daro us se ki jis ne un ko is qabil banaya hai

Makhmoor Saeedi

---

---

ujhti aankhon mein sulagte hue ehsas ki lau
ek shoala sa chamakta pas-e-shabnam dekha

Makhmoor Saeedi

---

---

as yunhi ham-sari-e-ahl-e-jahan mumkin hai
dam-ba-dam apni bulandi se utarta jaun

Makhmoor Saeedi

---

---