صاف بتا دے جو تو نے دیکھا ہے دن رات
دنیا کے ڈر سے نہ رکھ دل میں دل کی بات
مخمور سعیدی
میں اس کے وعدے کا اب بھی یقین کرتا ہوں
ہزار بار جسے آزما لیا میں نے
To this day her promises I do still believe
who a thousand times has been wont to deceive
مخمور سعیدی
مصلحت کے ہزار پردے ہیں
میرے چہرے پہ کتنے چہرے ہیں
مخمور سعیدی
مدتوں بعد ہم کسی سے ملے
یوں لگا جیسے زندگی سے ملے
مخمور سعیدی
راستے شہر کے سب بند ہوئے ہیں تم پر
گھر سے نکلو گے تو مخمورؔ کدھر جاؤ گے
مخمور سعیدی
رخت سفر جو پاس ہمارے نہ تھا تو کیا
شوق سفر کو ساتھ لیا اور چل پڑے
مخمور سعیدی
روش روش پر باغ ہیں کانٹے کلیاں پھول
میں نے کانٹے چن لیے ہوئی یہ کیسی بھول
مخمور سعیدی
ان سے امید ملاقات کے بعد اے مخمورؔ
مدتوں تک نہ خود اپنے سے ملاقات ہوئی
مخمور سعیدی
زباں پہ شکر و شکایت کے سو فسانے ہیں
مگر جو دل پہ گزرتی ہے کیا کہا جائے
مخمور سعیدی