jise paDha nahin tum ne kabhi mohabbat se
kitab-e-zist ka wo bab hain mere aansu

Lata Haya

---

---

log nafrat ki fazaon mein bhi ji lete hain
hum mohabbat ki hawa se bhi Dara karte hain

Lata Haya

---

---

main to mushtaq hun aandhi mein bhi uDne ke liye
main ne ye shauq ajab dil ko laga rakkha hai

Lata Haya

---

---

qismat ajib khel dikhati chali gai
jo hans rahe the un ko rulati chali gai

Lata Haya

---

---

tirgi KHamushi bebasi tishnagi
hijr ki raat mein KHamiyan KHamiyan

Lata Haya

---

---