aankhon aankhon mein pila di mere saqi ne mujhe
KHauf-e-zillat hai na andesha-e-ruswai hai

Jitendra Mohan Sinha Rahbar

---

---

aaya unhen pasand to un ka hi ho gaya
kam tha hamare dil se hamara kalam kya

Jitendra Mohan Sinha Rahbar

---

---

chhupe hain sat pardon mein ye sab kahne ki baaten hain
unhen meri nigahon ne jahan DhunDa wahan nikle

Jitendra Mohan Sinha Rahbar

---

---

dil us ka jigar us ka hai jaan us ki hum us ke
kis baat se inkar kiya jae kisi ko

Jitendra Mohan Sinha Rahbar

---

---

dozaKH se bhi KHarab kahun main bahisht ko
do-chaar agar wahan pe bhi sarmaya-dar hon

Jitendra Mohan Sinha Rahbar

---

---

ek aansu bhi agar ro de to jaanun tujh ko
meri taqdir mujhe dekh kar hansti kya hai

Jitendra Mohan Sinha Rahbar

---

---

farishta har bashar ko har zamin ko aasman samjhe
ki hum to ishq mein duniya ko hi jannat-nishan samjhe

Jitendra Mohan Sinha Rahbar

---

---

hai fahm us ka jo har insan ke dil ki zaban samjhe
suKHan wo hai jise har shaKHs apna hi bayan samjhe

Jitendra Mohan Sinha Rahbar

---

---

hum ru-ba-ru-e-shama hain is intizar mein
kuchh jaan paron mein aae to uD kar nisar hon

Jitendra Mohan Sinha Rahbar

---

---