ahut taKHir se paya hai KHud ko
main apne sabr ka phal ho gai hun

Humaira Rahat

---

---

ana kar ek ghar dil ki zamin par us ki yaadon ka
kabhi aabaad karna hai kabhi barbaad karna hai

Humaira Rahat

---

---

guzar jaegi sari raat is mein
mera qissa kahani se baDa hai

Humaira Rahat

---

---

huzur aap koi faisla karen to sahi
hain sar jhuke hue darbar bhi laga hua hai

Humaira Rahat

---

---

jahan ek shaKHs bhi milta nahin hai chahne se
wahan ye dil hatheli par zamana chahta hai

Humaira Rahat

---

---

jo manzil tak ja ke aur kahin muD jae
tum aise raste ke dukh se na-waqif ho

Humaira Rahat

---

---

kabhi kabhi to juda be-sabab bhi hote hain
sada zamane ki taqsir thoDi hoti hai

Humaira Rahat

---

---

KHushi meri gawara thi na qismat ko na duniya ko
so main kuchh gham bara-e-KHatir-e-ahbab uTha lai

Humaira Rahat

---

---

mere dil ke akele ghar mein 'rahat'
udasi jaane kab se rah rahi hai

Humaira Rahat

---

---