na hum se ishq ka mafhum puchho
ye lafz apne maani se baDa hai

Humaira Rahat

---

---

zikr sunti hun ujale ka bahut
us se kahna ki mere ghar aae

Humaira Rahat

---

---

ye kis ki yaad ki barish mein bhigta hai badan
ye kaisa phul sar-e-shaKH-e-jaan khila hua hai

Humaira Rahat

---

---

wo mujh ko aazmata hi raha hai zindagi bhar
magar ye dil ab us ko aazmana chahta hai

Humaira Rahat

---

---

wo ishq ko kis tarah samajh paega jis ne
sahra se gale milte samundar nahin dekha

Humaira Rahat

---

---

wo aur the ki jo na-KHush the do jahan le kar
hamare pas to bas ek jahan tha na raha

Humaira Rahat

---

---

use bhi zindagi karni paDegi 'mir' jaisi
suKHan se gar koi rishta nibhana chahta hai

Humaira Rahat

---

---

talluq ki nai ek rasm ab ijad karna hai
na us ko bhulna hai aur na us ko yaad karna hai

Humaira Rahat

---

---

suna hai KHwab mukammal kabhi nahin hote
suna hai ishq KHata hai so kar ke dekhte hain

Humaira Rahat

---

---